DCW nung inyakertem ita sen meshia longkak ait

New Delhi, November 29 (Agencies) : Mongulbarnü DCW office kima nung Delhi Commission for Women (DCW) nung inyakertemi parnok tangotsü aliba taoba ita asem indang ita sen meshia longkak ai.
Contract yimya nung mapa inyakertemi DCW Member Secretary Alka Diwan nem parnok ita sen agüjang ta takhangba ka tezüluba nung agütsüogo.
DCW nung tekolakla, Swati Maliwal-i, tesüiba ita asem tashi item mapa inyakertem nem ita sen magütsüi lir, ta shiogo.
“Parnok rongnungi noklang nung shilem 90 dak tema nem sen 25000 dang ishiba agütsür aser tang parnok nem ita sen magütsüba ajanga parnok mapa toktsütsüsa tensa ka arudar,” ta Maliwal-i ashi.