DD Lapang-i NPP indang NECC chairman inyaktsü

Shillong, January 22 (Agencies): Conrad Sangma-i aniba National People’s Party (NPP) ajanga yimsüsür tejen D D Lapang nem regional coordination committee nung chairman inyaktsü shim.
Taoba Meghalaya Chief Minister Lapang-i tawa tu R- Bhoi district nungi pa posemertem anir NPP nung aden. NPP-i aniba Meghalaya Democratic Alliance (MDA) sorkar asoshi pa chief adviser ama inyker.
NPP national president aser Meghalaya Chief Minister, Conrad K Sangma-i pa NPP indang North East Coordination Committee (NECC) nung chairman inyaktsü shim.
January 14 nü Lapang NECC nung chairman inyaktsü shima liasü saka Mongulbarnü ang appointment letter belenshi.
December 10 nü D D Lapang-i Congress toktsür NPP nung aden. Pai Congress toktsüli MDA sorkar asoshi chief adviser inyaktsü shim.
Lapang-i mapang talang ka Congress züngsem ka ama inyaka aru saka pa ama lennir tejentem züngdokba atema tejashi nung pai party toktsü.