DDAPU atema free medical camp ka agi

Dimapur, Rongchii 14 (TYO): Teintet rogotem temang tajungba aser anema lidaktsütsü nükjidong nung Dimapur District Ao Pensioners Union (DDAPU) ajanga iba telok nung züngsemtem atema Dimapur Mission Higher Secondary School nung Küptoknü free medical camp ka ayongzüka agi.
Iba camp ya DDAPU ajanga Rotary Club Dimapur den longjemer ayongzük aser iba sentong nung shiranger nisung 130 temang doctor-i repranger angadi yong mozü agütsü.
DDAPU ajanga sangdong ka nung Dr. Imsuakum Dr. Imlinenla Longchar, Dr. Apurba Jyoti Roy, Dr. Aienla Roy, Dr. Pokim, Dr. Sako Imchen, Dr. RL Jain, Dr. DR Sharma, Dr. Nungsangbenla, nurses, medical assitansts aser Dr. Talimoa, City Medical Centre, Dimapur (sen aika jenjang mozü angadi agütsüba) nunger dang teyari balala agüja iba medical camp takok ngua agitetdaktsüba ashi pelar, ta metetdaktsü.
Parnokisa Dimapur Mission Higher Secondary School ketdangsertem dang iba medical camp atema school amshidaktsüba aser Dimapur Ao Baptist Arogo, Youth Ministry ajanga volunteers agütsüba asoshi kanga pelar, ta metetdaktsü.