DDBA-i Dimapur nung badminton coaching agütsüdar

Dimapur, June 02 (TYO): Badminton asayar tanurtem/lanurtem ajungshia tetoktepba balala nung shilem agitsü atema traning agütsütsü asoshi Dimapur District Badminton Association (DDBA)-i ayongzüka DDBA Indoor stadium, United colony, Nagarjan nung Brihostibarnü, June 1, 2017 nungi tenzüka ita ka piyong badminton coaching camp tenzükogo, ta DDBA Tir, Vikhugha Chophi-i metetdaktsü.
Iba camp ya tetsür aser tebur naprong atema telemsa (category) balala atema katsür. Retired National badminton Umpire, C. Tinu Pongen leniba nung taoba mapang state player temi yarisema iba coaching camp nung Dimapur district nungi asayar 30 dak tema shilem agia tendar.
DDBA Tir-isa, iba camp ya sempet aketer lanurtem nem training agüja district, state aser National level toktepba balala nung shilem agidaktsütsü nükjidong nung ayongzüker, ta metetdaktsü.
Association-isa tejangrar asayartem iba camp nung adentsü jaokogo.
Tir-isa, iba camp ya taruba 41buba Inter District & State Open Badminton Championship 2017 atema district team atema-a lir, ta metetdaktsü. Iba asaya ya July 11-14 anogotem nung Nagaland Police-i ayonga Chumukedima nung asayatsü.