DDBA-i Talent Search cum Coaching camp agitsü sangdonger

Dimapur, May 16 (Agencies): Dimapur District Badminton Association (DDBA)-i taruba June ita 1 nü Talent Search cum Coaching camp ka agitsü sentong renemba osang ka tanü sangdong ka ajanga metetdaktsüogo.
40 buba Inter District cum State Open Badminton Championship 2016 asoshi terenemshia agia, DDBA-i tan asayar bushitsü mapatongji agitsü renemer lir.
Iba asayamong ya shilem ana kümer agitsü aser mezüngbuba shilemji taruba July ita 11-18 nü tashi Jalukie nung team championship aser tebur, tetsür aser junior tebur o tetsürtem indang open tetoktepba alitsü.
Tanabuba shilemji taküm August ita 7-20 nü tashi Kohima nung Under-13 tebur o tetsür, Under-15 tebur o tetsür aser veterans 35+, 40+, 45+, 50+, 55+, 60+ tetoktepbatem alitsü.
Iba asayamong nung shilem agitsü jangrartemi coach, C.Tinu Pongen, VP Technical den phone no. 9436004821 ajanga aser Along den phone no. 9774006269 ajanga tongteprateptsü akok.