DDCF-i Idd salem lemsatep

Dimapur, Aami/June 15 (TYO): Dimapur nung tribes aser lokti balala adenba tentet, Dimapur District Citizens Forum (DDCF)-i Nagaland nung aliba Muslim nunger adianutem aser aianutsür ajak den Idd salem lemsateper, ta tanü DDCF tongti tezülur, A. Rahman-i sangdong ka nung metetdaktsü.
“Iba Forum Tir, Joseph Lemtur-i, alima tesem ajaklen Muslim nungeri sarasadema lumiba temeshi ita, Ramadan sülen iba benjungmong- IDD- ul – Fitir amongba ajanga senso ajak nem tesünep aser telongjem bener arutsütsü imlar,” ta kasa sangdong ajanga metetdaktsü.