DDCF-i Peace Award 2016 angur nem tenüngsang agütsür

Dimapur, February 3 (TYO) : Nagaland university nung taoba pro vice chancellor Prof Lanunungsang Ao aser DDCF mendenpur aser Muslim Council Dimapur working president Ahidur Rahman nati Peace Award 2016 anguba atema Dimapur District Citizens Forum (DDCF)-i tena nem tenüngsang agütsür, ta DDCF tir N. Joseph Lemtur-i sangdong ka nung metetdaktsü.

Director Rev Dr C P Anto-i anir Peace Channel Nagaland züngsemtemi Nagaland nung yimjung aser putepa alitsü asoshi mapa tajung inyakba atema parnok danga kanga pelar, ta DDCF tirisa sangdong nung shia lir.