DDGBA-i June 15 senden ayongbaji magizüker

Dimapur, June 11 (TYO) : Dimapur District GBs Association purtem Mongolbar nü Tourist Lodge Dimapur nung senden ka lia, nisung kari DDGBA tenüng nung June 15, 2019 nü senden ayongbaji temelaba melii ayongba senden ka lir, anungji shinga madentsü ta lemtetogo.
Iba kasa senden nungsa DDGBA nung Advisor asütsü asoshi Wb.T.Onen Jamir, Rokovitso Kuotsu aser Y.Lotha nungertem shimogo ta sangdong ka nung DDGBA tir Wb.Longer Jamir aser tongti zülur Wb.Atso Angami nati metetdaktsü.