DDGBA-i Yaruiwo (President) Inno Qhehezu Tuccu ajuru

Dimapur, March 16 (TYO): March 16, 2019 nü DDGBA (Dimapur District GBs Association) Office ketdangpurtem aser Executive züngsemtemi CHQ Hebron nung Yaruiwo (President), Inno Qhehezu Tuccu ajurua liasü, ta DDGBA President, Khehovi V. Chophi aser Secretary for Publicity & Information, R. Changkum nati sangdong ka ajanga metetdaktsü.
DDGBA President, Inno Khehovi V. Chophi-i aniba team-i NSCN (I-M) temaba menden nung pa shimba atema pa nem tenüngsang agutsür, aser pa lenisüba kübok Naga nunger aser India soka na tsüngda yimtenren ken o tembanga jembitettsü imlar, ta alemsatep.
DDGBA-isa, Insia sorkar aser NSCN (IM) lenirtemi yimtenren ken o tekaraba nung tembanga latettsü imlar, komaka tekaraba südir tajungba, ta almsatep.
DDGBA team-i tekaraba nung yimtenren ken o latettsü atema ayongzükbaji IM lenirtemi pelaa agizük, ta ksa sangdong nung shia lir.