DDLSA-i Central Jail semdang

Dimapur, January 21 (TYO): Nagaland State Legal Services Authority-i renemba sentong dak sentakba nung January 21 nü Dimapur District Legal Services Authority (DDLSA) züngsemtemi Central jail, Dimapur semdanga liasü, ta sangdong ka ajanga metetdaktsü.
Tawa Secretary DDLSA charge agizüksang aser Chief Judicial Magistrate, Dimapur, Ajongba Imchen leniba nung jail semdanga liasü, iba nükjidongji Jail tia jenjang asadanga reprangdangtsü aser puoka alirtem nem legal services agütsütsü atema liasü.
Iba anogo nung Ajongba Imchen-i tepuokdak alirtem dang, parnok puoka ayubaji taküm melenshitsü atema maongka ama agitsüla, ta ayongzük.
Puoka alirtem temeten dak sentakba nung bushhisüngdangtsü, legal representation aser okadak keno ladaka akatsü nükjidong nung anendaka aliba ken o tem akatsü, ta parnok nem metetdaktsü.
Ano Retainer lawyer, Nathaniel Kevichusa-i DDLSA-i agütsüba legal service balala indang metetdaktsü aser puoka alirtem dang nüngdakra legal representation bushitsü ajungshi.
Ano Panel advocate DDLSA, Visheli H Yepthomi-ia puoka alirtem dang parnok temetentem metetdaktsü.
DDLSA-i jailor, Dr. Oben Yanthan aser Central jail nung inyakertemi tajungtiba agi amalitepa yariba atema pelaba sangdong nungsa shia lir.