DDLSA-i DCP (Traffic) aser DTO den yaritepa mobile Lok Adalat ayongzüka agi

Dimapur, March 13 (TYO) : Dimapur District Legal Services Authority (DDLSA)-i Deputy Commissioner of Police (Traffic) office aser District Transport Office (DTO) den yaritepa March 12, 2016 nü D.C Court Junction aser 7th Mile, Dimapur nung mobile Lok Adalat ayongzüka agi.
Gari indang kulikaket tejangja nüngdakba osang meteta lidaktsütsü nükjidong nung iba Adalat ayongzüka agi aser gari 400 mita reprangba nungi gari 187 indang kulikaket shitak maliasü, ta DDLSA sangdong ka nung metetdaktsü.
Iba asoshi DCP (Traffic) ketdangsertemi aibelener dang sen 41,450 senchi achi. Mapang shia DDLSA-i bangdakpur den külemi ibala Lok Adalat ayongzüka agir.
Ano külen, Chakhesang Baptist Church Dimapur, Youth Department-i ayongzüka agiba Youth Camp nung DDLSA Chairman, N. Kanuo-i Legal Service Authorities Act den tanga ozüngtem indang onük jembi.