DDLSA-i Dobhashi atema training agi

Dimapur, September 19 (TYO) : September 19, 2015 nü nung Dimapur District Legal Services Authority (DDLSA)-i Legal Literacy Training Program ka agi.
Iba sentong ya Video conference Hall, District Court, Dimapur nung agi aser Dimapur District nungi Dobhashi 27 aden.
Sentong nung mendenji Duvelu Shashi, Panel Advocate, DDLSA liasü aser Sentimenla, Panel Advocate, DDLSA-i tesentepertem pela agizük.
Iba Legal Literacy Training Program nung shisalen sayurtemji Neiko Kanuo, District & Session Judge, Dimapur, Advocate Limasenla Longkumer aser Esther K. Aye, Panel Advocate, DDLSA nungertem liasü aser parnoki “Source of Law for Dobhashis”, “Gender Equality and Principal of Natural Justice” aser “Nagaland Village Council Act” onüktem jembi. Tatem nung Visheli Yepthomi, Panel Advocate, DDLSA-i anküp tepela o jembi.