DDLSA-i Ebenezer Orphanage semdang

Dimapur, August 13 (TYO): August 11, 2017 nü Dimapur District Legal Services Authority, (DDLSA) nungi Panel Advocate temi Dimapur, Indisen Village nung aliba Ebenezer Orphanage Home semdanga liasü.
Parnoki iba home semdangba nükjidongji shisalemsateptsü aser angati legal services indang metetdaktsütsü atema liasü.
Sentong nung Panel Advocate, Moatila Jamir-i Protection of Children from Sexual Offences Act, 2012 indang lemsatepba den külemi sensotem indang temeten balala aser item temeten koma angutsü, iba indangji tesayuba agütsü.
Ebenezer Orphanage HomeDirector, Akum Amri-ia lawyer tem dang iba home tenzükba indang aser iba home renlokba indang metetdaktsü.
Paisa lawyer tem dang parnoki timtem balala ajangshiba indang lemsatep, item rongnungji tanurtem atema school bus ka kanga nüngdakba lemsatepa liasü.
Iba sentong ya Kekhriele Mezhu-u leniba nung agia liasü.