DDLSA-i Juvenile Justice System indang training ka agütsü

Dimapur, April 26 (TYO): Teyari aser tekümzükba nüngdakba tanurtem nem legal teyari agütsütsü nükjidong nung April 26, 2017 nü conference hall, district court, Dimapur nung Dimapur District Legal Services Authority (DDLSA)-i Juvenile Justice System indang anogo ka training workshop katsüogo.
Iba workshop nung Panel lawyers, Para Legal Volunteers, police, children homes, labour department, Juvenile Justice Board, Child Line, ICPS, MSW students, Child Welfare Commission, women cell aser lokti atema inyakertem dena liasü.
Okila jembidang Commisioner of Police Dimapur, Limasunep Jamir-i ajaki angatettsüsa Juvenile Justice Act indang tongmelang agi rasaa metetdaktsüba den külemi Protection of Children from Sexual Offenses (POCSO Act) indanga metetdaktsü.
Police Commissioner-isa Nagaland Victim Compensation Scheme 2012 kübok Relief and rehabilitation branch, Home Department-i lemzüktsüba Victim compensation award sen lakh 1 retainer lawyer, Nathaniel Kevichusa nem agütsü.
Lokti pelaa agizükba o jembidang Secretary, DDLSA aser CJM Dimapur, Ajongba Imchen-i iba senden nung ajaki jangrabangraa arua adenba atema pelaba lemsatep.
Iba workshop nung shisalen sayurtem aser parnoki jembiba onüktemji- Legal Aid Counsel & Trainer, NSLSA, R. Limhathung Ezong-i Juvenile Justice Act, 2015 indang jembi, Legal Aid Counsel & Trainer, NSLSA, Wt. Esther K. Aye-i Child labour/illicit trafficking indang jembi aser Legal Aid Counsel & Trainer, NSLSA, Kr. Limasenla Longkumer-i POCSO Act ICPS indang jembia liasü.
Iba sentong ya Panel Lawyer DDLSA, Moatila Ao leniba nung agia liasü.
Iba sentong tembangba sülen stakeholders dena shisa lemsatepba sentong ka agi.
Iba sentong takok ngua katetba dak sendakba nung DDLSA-i sentong nung adener ajak dang pelaba lemsatepba den külemi asen lokti jenjang tajungba akümtsü atema tarutsü nunga stateholders ajaki maneni amalitepa inyaktsü imlar, ta metetdaktsü.