DDLSA-i legal awareness sentong ayonga agi

Dimapur, August 27 (TYO): Auugst 27, 2017 nü Dimapur District Legal Services Authority (DDLSA)-i Konyak Baptist Church Dimapur nung youth deparment atema legal awareness sentong ka ayonga katsüogo.
Iba sentong nung DDLSA nungi Panel Lawyers- Kr. Kekhriel-u Mezhu, Kr. Sentimenla, Wb. Rokovitsu Kate aser Wt. Zuchumpeni Ngullie nungeri Cyber crime, POSCO, consumer protection Act aser Domestic Violence onüktem nung jembia liasü.
Domestic Violence, Consumer Protection Act onüktem nungia o lemtepba mapang nung lanurtemi metetnüba asüngdanga liasü.
Panel Lawyer DDLSA, Wb. Khumchuba Chang-i Legal Services Authority indang nükjidong aser teinyaktsü balala indang metetdakja liasü.
Iba sentong tembanga Secretary DDLSA aser Chief Judicial Magistrate, Dimapur, Ajongba Imchen-i lanurtem dang angati legal service balala agitsü ajungshi.
Iba sentong ya Panel Lawyer DDLSA, Sangto Longchar leniba nung agi aser Konyak Baptist Church Youth Director-i sarasadema liasü.