DDLSA-i POSCO ACT indang training agi

Dimapur, October 28 (TYO) : October 28, 2015 nü Dimapur District Legal Services Authority (DDLSA)-i Protection of Children from Sexual Offences Act, 2012 (POSCO ACT) atema training ka ayongzüka agi.
Iba sentong ya Conference Hall, District Court Building, Dimapur nung nikongtsütsü 3:00 ako nungi agi.
Iba sentong nung DDLSA panel lawyers ajak den District Child Protection Officer aser staff aden aser mendenji Panel Advocate, Duvelu S. Kichu liasü.
Sentong nung DDLSA Chairman & District and Session Judge, Dimapur N. Kanuo-i tesentepertem pela agizük aser Kiran Sharma, Director (operation) Lawyers collective-i POSCO Act metetdaktsü.
Ishani ya Advocate Delhi High Court inyaker aser laisa Protection of Children from Sexual Offences Act, 2012 onük jembi aser iba sülen shisalen sayurtem o Panel Lawyers tsüngda sensaksemba mapang agia liasü. Tatem nung Advocate, Lydia Sema-i anküp tepela o jembi.