DDLSA-i tepuokdak ayurtem atema sentong ka agi

Dimapur, November 8 (TYO) : Dimapur District Legal Services Authority (DSLSA)-i Sub Jail/District Jail nung puoka alirtem asoshi sentong ka ayongzüka agi.
Iba awareness sentong ya ‘Prisoners rights and the functioning of Legal Services Authority’ indang liasü aser DDLSA-i Criminal Justice Fellowship Program, TISS den yaritepa ayongzük.
Sentong nung mendenji Criminal Justice Fellow, Nikita Engheepi liasü aser DDLSA Panel advocate tem- Sentimenla aser Zuchembeni nati onük nung ajemdaker jembi.
Iba sentong nung Panel Advocates – L Luzukhu aser Dzuvinuo na den Roshni Nair aser Rashmmi na aden. Roshni aser Rashmmi nay a Tata Institute of Social Sciences (TISS), Mumbai nungi aruba lir aser tenati Criminal Justice Fellowship Program atema mapa inyaker. CJFP ya Centre for Criminology and Justice, TISS kübok lir.