DDTTA-i 4 Buba Dimapur Open & Inter-School Table Tennis asaya ayongzüker

Dimapur, Aug. 18 (TYO) : 4 Buba Dimapur Open & Inter-School Table Tennis Tournament koba Dimapur District Table Tennis Association (DDTTA)-i ayongzüka taruba ita September 10th nungi 11th tashi Indoor Stadium, District Sports Complex, DC court junction anasa asayatsü sentong liasü, saka ibaji 25th nungi 26th September-i ang anogoji thenener ta sangdong ka ajanga metetdaktsü.
Iba asaya nungji Singles & Doubles na prongla asayatsü aser iba telemsaji yamai alitsü : Under-16, Under-21, Mens, Womens aser Veterans (40 tema). Iba asaya nung tenüng züluoktsü atema kaketshirtem atema sen Rs. 50/- aser tangartem atemabo sen Rs 100/- agitsü ta metetdaktsüogo.
Aji oda süaka, Inter-School Championship nungjibo tenüng züluokba sen kecha magitsü aser tejangrar schooltemi tanurtem ishiba agi nisung asembosa yoktsüla saka nisung 5 dak talibo masayadaktsütsü.
Ano tali jangjashiteptsü atema Wb. Toshi, Technical Secretary den iba Mobile No. 9402434313 den tongteprateptsü akok ta DDTTA, Tir, Er Chirotho-i kasa sangdong nungjisa metetdaktsü.