DDTTA-i tesayuba agütsütsü

Dimapur, July 17 (TYO) : Dimapur District Table Tennis Association (DDTTA)-i ayonga anogo 10 atema Table Tennis asaya jangrartem atema tesayuba July 21 nungi 31 tashi Indoor Stadium (State Stadium complex) Dimapur nung akatsü.
Iba sentong nung adentsü asoshi tenüng züluoktsü anogoji July 20 (Monday) nü alitsü, anungji tejangrartemi pei sasa arua saisapong sayurtem den ajuruteptsü akok, aser iba tesayuba agütsüba sentong nung tenüng züluokba senji kanga dang ajema agitsü, ta DDTTA Tongti zülur, Dilip Sharma-i sangdonga ka ajanga metetdaktsü.