‘Deadpool 2’ film 2017 küm January ita nungi yanglu tenzüktsü

Los Angeles, November 09 (Agencies): ‘Deadpool 2’ film taruba 2017 küm January ita nungi tenzüka yanglutsü renema lir.
Tanabuba Deadpool film ya taküm nungi tenzüka yanglutsü sentong mezüngbo renema liasü saka iba film direct asütsü asoshi renema alisang, Director Tim Miller-i sentong renemba ama direct mesütettsüsa akümba yong film yanglutsü maparenji thinentsüsa aküm.
20th Century Fox telok aser film nung tongti shilem agisang/co-producer, Ryan Reynolds nungeri tanga Miller melezüker monguteti tebushidak aliba osang angazükogo.
Ajisüaka, Deadpool film den sentaktepa yanglutsü renemba Deadpool 2 film British Columbia kübok Vancouver nung sangküm January ita nungi tenzüka yanglutsü renemba osang ka Aceshowbiz-i jangjashitsüogo.
Director tasen bushiba den, Deadpool 2 film yanglur teloki tongti shilem agir ana – Domino aser Cable na melenzükera bushiba osang angazükogo.
Iba film ya 2018 küm January ita 12 nü alima nung mezüngsüa sayatsü sentong lir.