Deadpool 3 film meyanglutsü südi: Ryan Reynolds

Monupii 04, 2018 (Agencies): Marvel indang Deadpool movie sapurtem shirnokisa tanabuba Deadpool installment sayatsü atema kanga dang yongya-atadar, ashiko nenok atema tejashitsü osang kar asütsü südi. Angazükba agi Deadpool kija atema film tasen ka yanglutsüji actor aser producer Ryan Reynolds atema teratatsü lir.
“Deadpool 3 film tasen ka yanglutsü asü meyanglutsü aji ni mejangja,” ta arishi küm 41 tain Reynolds-i ashi.
“Ni film nung ‘Deadpool’ character sangji team kar den; talisa X-Men telok nungi nüngtugu tetsür ka den külemi shilem agiba reprangdangnür. Deadpool solo film tanga ka yanglutsüsa aküm nungbo, nai aji kecha masü ama, tenokdangba ajak alema budget tulu nung shingaia meinyakba ama inyaktettsüla,” ta Reynolds-isa ashi.
Marvel Comic nung ajemdaker 2016 küm Deadpool film ya yanglu aser iba film sequel ‘Deadpool 2’ Monupii (May) 18 nü theatre ajak nung sayatsü.