Dear Comrade film mesaya tsüngda Hindi agi yanglushitsü sangdongogo

Chiteni/July 24, 2019 (Agencies): Film yanglur Karan Johar-i Mongolbarnü Arjun Reddy-i tongti shilem agiba Vijay Deverakonda indang taruba film Dear Comrade Hindi agi yanglushitsü sangdongogo. Bharat Kamma-i direct asüba Telugu film kong Rashmika Mandanna-ia tongti shilem agir iba film ya July 26 nü mesaya tsüngda Johar-i special screening ka nung repranga liasü.
“#dearcomrade mezüng reprangtsü maongka ngua liasü. Film ya temeimteper otsü tajung ka lir. @thedeverakonda aser @rashmika_mandanna nungeri film nung kanga junga shilem agiogo. Film ajanga kanga ajungmesor aser osang tongtibang aser tapet ka agütsür.
“@bharatkamma-i film kanga junga direct asüba den @mythriofficial-i kanga junga produce süogo. @dharmamovies-i Hindi agi #dearcomrade yanglushitsü pelashishia sangdonger. Iba project atema kanga yongyaa atar,” ta Johar-i Instagram nung film nung tongti shilem agirtem den tangokba noksa ka den iba osang lemsatep.
Arjun Reddy sülen Deverakonda indang film tanabuba Hindi agi yanglushitsü lir.
Kabir Singh ta nüngja agütsü Sandeep Reddy Vanga-indang hindi film ya 2019 küm tang tashi nung Bollywood film tem rongnung nüngtugutiba lir. Iba film nung Shahid Kapoor-i tongti shilem agir aser pa den Kiara Advani-ia shilem agir.
Dear Comrade Hindi version atema director aser film nung shilem agitsüpurtem tang tashi mesangdong.
Kasa mapang nung Kabir Singh film box office nung kanga takok ngua odar. Iba film ya June 21 nü saya aser Mongolbarnü theater nung sayar ita ka jungogo. Iba film ya India nung taküm küm flim tulutiba lir aser kasaji Shahid atemaa film tem rongnung takok tajungtiba anguba film kümogo. Film yagi tang tashi nung sen crore 271 aazüka lir.
Kabir Singh indang film ya yi ajemer surgeon ka indang otsü lir, shiba pa tetongi tangar den kangshia kibong kümdaktsüba sülen taküm kanga mejungi raksar.