Dec 1 nungi 7 tashi Hornbill International Music Festival alitsü

Kohima, November 22 (TYO) : December ita nung Nagaland nung kenten meimertemi alima nung nüngtugu kentenertem shilem agiba angutsü.
Hornbill International Music Festival 2015 mapang Indira Gandhi Stadium aser Hockey Ground, Kohima nung kentenba sentongtem ayongzüka agitsü.
December 1 nungi 7 tashi amungba kenten benjung nung alima nung metal bands tajungtem rongnung Helloween aser Sweden nungi ABBA indang official tribute band Arrival nungertemi shilem agitsü.
Hornbill International Music Festival 2015 ya Music Task Force (MTF), Government of Nagaland-i Pepsi MTV Indies aser Northeast Today den yarutepa ayongzüker. Iba benjung atema event management partners ji – Sky Entertainment aser Nagaland Outdoors’ Club (NOC) lir.
Helloween aser Arrival dak alia ano alima nung kentener tajungtem aika iba benjung nung shilem agitsü saka tayongertemi iba osang ya December ita tetenzüklen ang yimjak nung sangdongtsü ta metetdaktsüogo.
December 1 aonung Hornbill International Music Festival tenzüktsü aser iba mapang Joshua & The Note Ninjas, Cadence, Infuse, Purple Fusion aser tanga local kentenertemi shilem agitsü.
December 2 aonung ABBA official tribute band Arrival-i shilem agitsü aser kasa aonung Colored Keys, Mengu Suokhrie aser Viriezhünuo Solo nungeria shilem agitsü.
December 3 nungi 6 tashi IG Stadium nung Hornbill International Rock Contest (HIRC) alitsü aser iba nung kentener telok 25-i tokteptsü.
Taküm HIRC atema kentener telok 100-i tenüng agütsü aser auditions nung telok 25 shim. Teshimteter rongnung local band 5, international band ka aser national band 19 lir.
December 3 nungi 5 tashi tetoktepertem atema audition round alitsü aser December 6 aonung HIRC 2015 grand finale alitsü. Taküm takok angur nem sempettemji – lakh 10 (mezüngbuba), lakh 5 (tanabuba) aser lakh 2.5 (tasembuba) ta alitsü.
December 7 aonung tatembangba sentong nung Germany nungi Helloween-i shilem agitsü. Parnoki sabang nung shilem magidang tamasa Pulse Pundit, Manipur, The Hornbill Project Nagaland aser Incipit, Nagaland nungeri shilem agitsü.
HIMF 2015 atema tickets temetettsü:
December 3 nungi 6 tashi Hornbill International Rock Contest indang entry ticket ji sen 30 asütsü aser mezüng aonung (Dec 1) bo angati dang alitsü.
Helloween sentong : Rs. 3,000 (Front standing), Rs. 2,000 (Middle standing) & Rs. 1,000 (Back standing)
Arrival-ABBA sentong : Rs. 3,000 (Front standing- admit two) & Rs. 1,000 (Back standing).
VIPs aser patrons atema gallery balaka alitsü aser item asoshi jenjangji Rs. 10,000 & Rs. 50,000 asütsü.
Helloween aser ABBA indang tickets ji www.ticketgenie.in. nung online ajanga alitsü akok.
Ticket outlets : Vuto Motors, High School road, IG Stadium, Kohima and High School Ground, Kohima,