Dec. 10 nungi Railways, Metros aser bus nung senpak 500 tejenba magitsü

New Delhi, December 08 (Agencies) : Tanü Brihostibarnü Centre ajanga senpak 500 tejenba December 15, 2016 tashi agitsü ta metetdaktsür aliba anogo ajemtsüogo. Joko iba sen tejenba ya Railway, Metro aser bus ticket tem alidak tesem nung December 10, 2016 tashi ang agitsü aser iba den külemi petrol bunks aser airports den payment agütsüba tesem tem nunga joko magitsü telemtetba agiogo.

November 08, 2016 nü nungi sen 500 aser 1000 senpaktem mamshitsü sangdongdang linük sorkari utility bills, petrol, mobile recharge, train aser tayimtsü ticket tem alidakbo amshitsü melaa liasü. Iba sülen item senpaktem amshitsü anogo anaben tashi melenshiogo. Kodang kanga junga reprangdangdir sorkari nüngdakba mapatem atema parnok telemtetba melenshia arur aser bank nung sen inokba aser agizükba mapatem tali akangshir.