Dec 11 nü Northeast nung ‘Black Day’ amongtsü

Guwahati, December 9 (Agencies): North East Students’ Organisation (NESO)-i December 11 nü ‘Black Day’ amongtsü osang metetdaktsüogo.
December 11 nü NESO-i Northeast State tem kübok tesem balala nung wako aser banner tanak sayutsü ta lennirtemi ashi.
Yaküm December 11 nü Parliament nung ashishitep aketba Citizenship Amendment Act (CAA) agizüka liasü.
Taküm December 11 nü ‘Black Day’ amongtsüba osang ya North East Students’ Organisation chairman Samuel B Jyrwa-i metetdaktsü.
“India sorkari Northeast nungertemi magizüker ta metetaka yaküm December 11 nü Parliament nung Citizenship Amendment Act (CAA) agizük aser Rajya Sabha nung iba ozüng tesashi dang Citizenship (Amendment) Act 2019 ta aja” ta Samuel Jyrwa-i ashi.
“Anungji, NESO-i December 11 ya Northeast ajungai teti Black Day ta bilemtettsü” ta Jyrwa-isa ashi.
December 11 nü ‘Black Day’ amongba ajanga Northeast nungeri Citizenship Amendment Act (CAA) magizüker ta asüba osang Centre nem sangoktsütsü, ta paisa shisem.
“Iba anogo amongba ajanga India sorkari ano Northeast nung lisopurtem anema mapa tamajung inyakba bilemtetdaktsütsü” ta Jyrwa-isa metetdaktsü.
NESO nung All Assam Students’ Union (AASU), Khasi Students’ Union (KSU), Naga Students’ Federation (NSF), Mizo Zirlai Pawl (MZP), Twipra Students’ Federation (TSF), All Manipur Students’ Union (AMSU), Garo Students’ Union (GSU) aser All Arunachal Pradesh Students’ Union (AAPSU) dena lir