Dec. 15 nü KMC Khristmas jeli sentong amungtsü

Kohima, December 11 (TYO) : December 15, 2016 nü KMC conference hall, Kohima nung Kohima Municipal Council (KMC)-i Khristmas jeli sentong den repa ‘Annual ward/shop programme 2016’ ayonga agitsü, ta sangdong ka ajanga metetdaktsüogo.
Iba sentong nung home department (RR & NSDMA) nung commissioner & secretary, Khrienuo C. Metha tongti tesemdanger asütsü.
Tesüiba kümtem nung sentong nung arua medenaka sempet agüja liasü saka taküm nungibo sentong nung arua medenra sempet magütsütsü, ta ward ajak dang sangdonger. Iba sentong takok ngua amungtsü asoshi ward ajak nungi arua adentsü mepishia ayongzüker, ta sangdong ajangasa ashi.