Dec 16 nü “Mokokchung Elders Meet” alitsü

Dimapur, December 13 (TYO) : Mokokchung jila küm 125 ajungba benjungmung nung shilem ka ama December 16, 2015 nü “Mokokchung Elders Meet” ta ser sentong ka alitsü.
Iba sentong ya anepdang 10:00 ako nungi Multi Purpose Hall nung agitsü aser tongti tesemdangerji Thongo Imlong asütsü aser Mokokchung district Pensioner’s Association President, I.B Meren-i onük jembitsü.
Sentong nung sensaksemba mapang aser Mokokchung atema temoatsü meshia sarasademba mapang alitsü.
Iba sentong nung dennertem atema tsünglanglen aliba tesemtem nung tayongertemi gari yoktsü anungji anepdang 9:30 ako tashi nung tesem tonga arutsü mepishia metetdaktsüogo.
1. Kumlong sub centre-Sewak Gate-Artang church junction-District hospital waiting shed-JP store Penli.
2. Yimyu gate-Indian Oil-Kichutip waiting shed.
3. BOC-community hall Tongdentsuyong-cosmos hall.
4. Alempang church-salangtem community hall.