Dec. 31 nü discovery channel nung Nagaland indang sayutsü

New Delhi, December 22 (Agencies): North East India nung state tem indang aika memeteti lir aser iba tesem ya linük nung tobur tajung tesemtem rongnung dena lir.
Item state tem indang ya Discovery indang series tasenba #GONORTHEAST nung Honibar aonungshia 10:00 ako nungi yoker.
Shilem 8 aliba series #GONORTHEAST ajanga tesemtem, sobaliba, alima tobur ajung aser yangi aliba nüburtem indang bushia sayar. Episode shia nung television nung nüngtugu actors Varun Mitra aser Aalekh Kapoor nati nisung balala ajuruba den chiyungtsü balala chidanga aser sobaliba balala indang angazüker.
Iba dak sentakba nung Nagaland indang akhi sobaliba, kin balala, tamangba yimsü aser alima tobur ajung indanga #Gonortheast nung Honibar, December 31 aonung 10:00 ako nungi Discovery Channel nung sayutsü.
Varun-i Nagaland semdangba tenzüka Sumi nunger Tuluni benjung nung adener. Paisa tongbang rara tsüngsang, Aphilokuwo nung shilem agia tsüngsanger.
Varun-isa kentener telok, Alobo Naga & The Band lenir, Alobo Naga den külemi ken atener.
Pai Nagaland semdangdang Kohima War Memorial-a semdanger.