Dec 8 nü Sushma Pak-i aotsü

New Delhi, December 05 (Agencies): ‘Heart of Asia Security’ senden nung adentsü atema December 08, 2015 nü Exteral Affairs Minister, Sushma Swaraj Pakistan yimtiba Islamabad-i aotsü, ta sorkar tongti ketdangser osang ka ajanga jangjaogo.
La den Foreign Secretary, S Jaishankar-a anidaka aotsü.
Taküm July ita Russia, Ufa yimti nung Ato kilonser Narendra Modi aser Pakistan Ato kilonser Nawaz Sharif na ajurutepba sülenbo linük ana tsüngda tang mezüng lenirtem ajurur asütsü, kechiyong iba mapang lai Sharif den pa indang foreign affairs adviser, Sartaj Aziz nata ajurutsü sentong lir.
December 09, 2015 nikongdangsa Swaraj India-i meyipa arutsü. Koba tetezü, la iba linük nungji ghonda 24-a mamungtsü.
Tamasabo Centre sorkari External affairs Minister of State, V K Singh yoktsü sentong liasü, ajisüaka tawa France yimtiba Paris nung Modi aser Sharif na ajurua salemtepba sülenbo India-i Swaraj yoktsü lemtet. Iba senden nung adentsü atema Pakistan-i Swaraj jaoka liasü. Ano külen iba senden nung adentsü atema Afghanistan-ia Swaraj sa jaokba ajanga ibaji mepaitoktettsüsa akum.