December 2016 nung OnePlus 3T sayatsü

New Delhi, November 23 (Agencies) : Taküm OnePlus 3 ajanga takok anguba sülen China nunger smartphone yanglur OnePlus-i India nung OnePlus 3T sayatsü.
“Onoki India nung OnePlus 3T bener arutsü atema mapa inyak aser kobi melii iba smartphone India nung sayatsüba tepela osang sangdonger. Nisung ajaki OnePlus 3T sayatsüba anogo yongya alitsü” ta company-i sangdong ka nung metetdaktsü.
“Onoki Facebook nung ‘Truth or Dare’ poll ka agitsü aser iba nung onoki OnePlus 3T sayatsüba anogo indang asüngdangtsü” ta sangdong nungsa metetdaktsü.
OnePlus 3T ya hopta ana tejakdang US nung saya aser iba phone nung processor tasen melena lir. Phone nung Snapdragon 821 processor aser battery tuluba den front camera lir.
OnePlus 3T nungsa 5.5 inch Full HD AMOLED (1920 x 1080 pixels) display aser Corning Gorilla Glass 4 on top enoka lir, aser tesülen camera 16MP aser tejaklena 16MP lir.
OnePlus 3T nung 3,400 mAh (non-removable) battery lir aser Dash Charge support lir. Iba phone indang jenjangji US nung$439 lir aser ibaji India sen nung 29,00 shi lir.