December 4 nü nungi Hornbill Moutain Biking Festival agitsü

Dimapur, November 21 (TYO): Taruba December ita 4 nü nungi tenzüka Kohima nung Hornbill Mountain Biking Festival agitsü asoshi Native Station teloki TNB Cycling Club aser Alaphra Group na den külemi lungjemer ayongogo.

Hornbill Mountain Biking Festival sentong den sentaktepa, Kohima kübok Kisama Heritage Village nung Kohima Downhill Mountain Bike Race taruba December ita 4 nü agitsü renema lir.

Ano, 4 buba Annual Hornbill Cycle Rally sentonga Kohima Local Ground nungi Kisama Heritage Village tashi tan December ita 6 nü agitsü renemogo.

Alima mupong memenentsütsüsa senzüsenpongtsü ajungshitsü nükjidong nung 4 buba Cycle Rally sentong ya ‘Contributing to a safer & greener future’ omen nung ajemdaker agitsü ayonga lir.

Tan ayongba sentong nung Nepal, Himachal Pradesh, Maharashtra, Goa, Megahalaya, Manipur, Mizoram, Assam aser Nagaland nungi cycle anishirtemi shilem agitsü renemba osang jangjaogo.

Iba sentong nung shilem agitsü jangrartemi www.nativestation.in. ajanga pei tenüng züluoktettsü.