December ita nungi Covid-19 vaccine amshitsü

New Delhi, November 20 (Agencies): Covid-19 vaccine yangluba company tem- Pfizer Inc. aser BioNTech SE-i United States nung taruba ita nungi Covid-19 vaccine amshitsü sentong lir.
Iba mozü ajanga COVID-19 95% tashi noktangteter ta tendangdang buhitetogo. Food and Drug Administration tsüngdang iba mozü züluokba ajanga taküm December ita tom ka tashi nungi US nung iba mozü amshitettsü, ta company anati metetdaktsü.
Pfizer Inc. aser BioNTech SE-i shidi züluba nung ‘arishi küm 12-15 tsüngda tanurtem indang safety data dena lir.’
United States (US) nung arishi küm 56-85 tsüngdapur 45% dak iba vaccine tendangogo, ta parnokisa metetdaktsü.