December nung Sharif-i India semdangtsü

New Delhi, October 26 (Agencies): Afghanistan atema taküm December ita Amritsar (India) nung senden ka amentsü atema Pakistan Foreign Office dangi tejaokba shidi yokogo, anungji Pakistan Ato kilonser, Nawaz Sharif-i India semdangtsüa akok.
December ita tetenzüklen Heart of Asia conference nung India-Pakistan tesentaktep indang jembitsüa akok.
Osang ka ajanga, Afghanistan atema sendenji December 3-4 anogotem nung Amritsar nung akatsü, ta metetdaktsü.
Ajisüaka iba senden nungji Pakistan-i shilem agitsü asü magitsüar mejangjar, saka Pakistan Ato kilonser Sharif-i India semdanga India den jurila senden amen nungbo tang linük ana tsüngda tesentaktep mejungi aliba ya süngjemtsü imlar.
Iba senden nung Russia, China, Iran, Saudi Arabia, UAE, Turkey aser Afghanistan kidanger linüktem densema linük 14 nungi Foreign Minister tem adentsü.