Deepika aser Novak Djokovic na Los Angeles nung ajurutep

March 11, 2016: Bollywood actress, Deepika Padukone  tang Los Angeles nung Hollywood film ka tetangoktak lir, aser tawa la tennis asayar nüngtugu, Novak Djokovic den külemi nguogo.
Deepika aser Djokovic na Los Angeles nung aliba bar ka nungi külemi ayazüka alua angu, ta dailymail.co.uk osang ajanga metetdaktsü. Ajisüaka Dailymail-i Deepika tenüng khen danga tetshia maliba ajanga parnoki nüngtugu actress Deepika ji shiba’ar majitett südi, ta bilemer.
Iba aonungji Novak tola temesüng den jean tola semer liasü aser Deepika naro temesüng aketba frock tanak ka semer liasü.
Tang arishi küm 28 Novak ya 2016 Men’s Tennis ATP Rankings mezüngbuba jenjang nung lir aser arishi küm 30 Deepika ya Bollywood A-list actress nung lir.
Vin Diesel-i Deepika Furious 7 nunga shilem agidaktsüner, ajisüaka la mapang peria maliba ajanga lai ibaji magizük.
Deepika-i tang mezüng Hollywood nung shilem agiba film ya sangküm January 20 nü sayatsü.