Deepika aser Priyanka nati model temi film nung shilem agitetba sayur : Waluscha

New Delhi, May 15, 2016 : Model nungi actor akümla Waluscha De Sousa-i Deepika Padukone aser Priyanka Chopra na kanga tenüngsanga jembiba mapang lai, “Tenati model temibo film nung shilem junga magiteter ta jembia aruba nembangtsüogo,” ta ashi.
Waluscha-i kibong atema bilemba ajanga model nungi Hindi film nung shilem agitsü mulungteter ‘Fan’ film nung Shah Rukh Khan den külemi shilem agi.
Iba temelenshi junger asü ta asüngdangdang lai, model nungi film nung shilem agir ka akümba ya jangratemtsüka lir aser ni iba mapa yagi kanga pelar, ta langzü.
“Lanur aikati Bollywood nung adentsü atema model ya mezüng jenjang amai agir… asenoki meteta Deepika aser Priyanka nata yamaji lir. Tenati model temia film nung shilem tajung agiteter ta kanga jangja sayutetdar. Ni atema iba temelenshi ya kanga junger,” ta Waluscha-i ashi.
Priyanka ya arishi küm 17 asüdang, 2000 küm Miss World korang asem. Iba sülen Bollywood nung shilem kanga junga agiba dang masü saka international film tem nunga shilem agidar. La ya tang America TV series Quantico nung tongti shilem agir aser ano tan mezüngsüa Hollywood film ‘Baywatch’ nunga shilem agitsü.
Deepika-a model asüba sülen la dak sempet tajung aliba ajanga film industry nung shimok. La-a tan mezüngsüa Hollywood film ‘xXx: The Return of Xander Cage’ nung shilem agitsüba lir.
Arishi küm 31 tain, Waluscha-i, “Film nung shilem agiba ya jangratemtsüka lir,” ta ashi.
Lai, “Tesüiba mapang nungbo ni film nung shilem agitsü atema kecha jangra mali asü saka tangbo kanga jangratema bilemer,” ta shisem.