Deepika-i Archery World Cup Final silver medal agizük

Mexico City, October 26 (Agencies): India’er tetsür lasang toktepa kashishir, Deepika Kumari-i final asaya nung tanabuba jenjang ngua Archery World Cup Final tetsür shilem nung silver medal yashi Deobar nü agizükogo.
Deepika-i quarterfinal aser semifinal na nung ayong ayonga takok ngua final nung shilem agitsü jenjang angu saka tetsür World No. 1, Korea tsür Choi Misun-i points 6-2 ngua takok anguba yong Deepika-i tanabuba jenjang ang angutsüsa aküm.
Deepika o Misun napronglai 1 buba set nung points 29 nuga kasa jenjang angu saka 2 buba set nung arishi küm 19 tain Misun-i points 29 ngua points 5-1 agi Deepika den temaba jenjang angu.
3 buba set nunga tenapronglai points 28-28 angu saka tatem nung Minsun-i ajak agi points 6-2 ngua Deepika final asaya nung tsükdaktsü.
2011 küm Istanbul nung, 2012 küm Tokyo nung aser 2013 küm Paris nung silver agizükba densema Deepika-i tan agi 4 buba World Cup Final asayamong nung silver medal agizüker lir.
Ano külen, India nunger Ahishek Verma-ia tebur compound shilem nung silver medal taoba Honibar nü agizüka liasü.