Deepika-i film nung Saina Nehwal ama shilem aginer

deepika-padukone-with-saina-nehwalFeb. 03, 2016: Taoba mapang Badminton asayar, Prakash Padukone’er jala actress Deepika Padukone-i badminton court nung ‘racquet’ junga amshitetba kuli sayua lir, aser lai film screen nung badminton asayar nüngtugu, Saina Nehwal ama shilem aginer, ta shiogo.

“Ni screen nung Saina ama shilem aginer. Küna kulemi asayadangogo, aser atangji laisa tajungba asayar. Lai kü danga junga asayar ta shiogo. Küna jangratemasa asayaogo, ibaji tanga kecha masü saka saisapong, talisa badminton asaya meimba ajanga lir,” ta Deepika-i New Delhi nung sentong ka nung jembidang ashi.

La sentong ka nung atentsü atema Mongolbarnü linük yimtiba Delhi-i oa liasü.

Sportsperson Of The Year award angula Saina-i, “Atangji Deepika (nem la shilem agidaktsüner). Lai badminton asaya-a aruogo. La tebu badminton asayar ka liasü. Lai film nung iba shilemji junga agitettsü ta ni bilemer,” ta ashi.

Film yanglur Amol Gupte-i India tsür badminton champion Sania indang taküm otsü nung film ka yanglutsü bilemdar.

Saina-i Sportsperson Of The Year award ya tennis asayar nüngtugu, Sania Mirza den lemsatepogo.

You must be logged in to post a comment Login