Deepika-i Vin Deisel den shilem agitsüa akok

Mumbai, December 07, 2015: Osang angazükba shitak dang süra Deepika Padukone-a ‘Bajirao Mastani’ film nung kulemi shilem agila, Priyanka Chopra tsüngsü nung anidaka Hollywood film nung shilem agitsüa akok.

Taküm Box Office nung ‘Piku’ aser ‘Tamasha’ film ajanga takok tulu angula Deepika US-i oa Hollywood star, Vin Diesel den ajurutepogo.

Taküm ano Deepika indang film ka sayatsü anünga lir. Lai Sanjay Leela Bhansali indang ‘Bajirao Mastani’ film nung Mastani shilem agia lir. Ina film ya December 18 nü sayatsü.

‘Piku’ star Deepika-i twitter nung la Hollywood star Deisel den külemi tanglokba noksa ka lemsatepogo.

Noksa sülenji asenoki ‘XXX’ logo angutsü. Lai ‘XXX: The Return of Xander Cage’ nung shilem agitsü akok ta lai la followers dang temaitsü kabo sayuogo.