Deepika-i ‘xXx’ director nem India nunger sobutsü agütsü

Toronto, May 21, 2016 : Hollywood film nung tan mezüngsüa shilem tagidak alila, actress Deepika Padukone-i la shilem agiba film “xXx: The Return of Xander Cage” director, D.J. Caruso nem India nunger sobutsü ka tenla agütsü.
Caruso-i lai agütsüba anüngsentsü kurta aser pyjama na semer tangokba noksa ka twitter nung medemertem den lemsatepogo.
Pai iba noksa kübok, “Iba sempet ya kanga tulu lir. Deepika dang Kanga pelar,” ta zülua lir.
Tang tangoka aliba film nung Deepika-i Serena ama shilem agidar.
“xXx: The Return of Xander Cage” film ya 2002 küm yangluba “xXx” aser 2005 küm yangluba “xXx: State of the Union” film tem indang tasembuba shilem lir. Iba film nung Vin Diesel, Samuel L. Jackson, Donnie Yen aser Tony Jaa nungeria shilem agidar.
Iba film ya joko tetangokzüker dang lir aser January 20, 2017 nü sayatsü sentong lir.