Deepika Kumari-i Archery World Cup Final nung shilem agitsü

Kolkata, September 11 (Agencies): India’er lasang toktepa kashishir, Deepika aser Abhishek Verma nati Mexico nung taruba October ita 24-25 nü asayatsü ayongba Archery World Cup Final nung shilem agitsü jenjang nguogo.
Tang Colombia kübok Medellin nung tasayadak Stage 4 World Cup nung Chinese Taipei tsür Le Chien-Ying aser Lin Shih-China napronglai Deepika-i Antalya nung ayongba Stage 2 World Cup tetoktepba nung yangluba points 24 majangtetba yong arishi küm 23 tain Deepika-i World Cup Final nung shilem agitsü jenjang angu.
Poland kübok Wroclaw nung ayongba World Cup Stage 3 nung takok angusang, Verma-ia Stage 4 tetoktepba nung shilem magi saka pai ajak agi points 39 tashi ngua World Cup Final nung shilem agitsü jenjangji angu.