Deepika Padukone arishi küm 30 jungogo

January 05, 2016: Sanjay Leela Bhansali-i direct asüba “Bajirao Mastani” film nung Mastani shilem agila, Deepika Padukone Mongulbarnü arishi küm 30 jungogo.
La asoba anogo nung Bollywood nung la den külem inyakertem aser tembartemi la den tasoba anogo tepela salem lemsatepogo.
Abhishek Bachchan, Riteish Deshmukh aser Mika Singh nunger den tangar aikati “Piku” film nung shilem agila, Deepika Padukone dang küm piyong tia tajung nung pela-a liang ta lemsatepogo.
Deepika ya taoba mapang badminton asaya nung World No.1 Prakash Padukone’er jala lir aser lai 2006 küm nungi film nung shilem agitsü tenzük. Lai mezüng shilem agiba film ji Kanada film ‘Aishwarya’ lir. Iba sülen lai Bollywood nung “Om Shanti Om” film nung shilem agi aser Bollywood nung mezüngsüa shilem agir rongnung tajungtila Filmfare Award ka angu.
Ano 2012 küma box office nung kanga nüngtugu süa tetshiba “Cocktail” film ajanga la jenjang tajungba aküm. Lai Bollywood nung “Yeh Jawaani Hai Deewani”, “Chennai Express” aser “Happy New Year” film tem nunga shilem agia lir. Iba den külemi ano lai “Goliyon Ki Raasleela Ram-Leela” film nung junga shilem agitetba asoshi nüburtemi kanga tushir.
Neil Nitin Mukesh, Dino Morea, Shanoo Sharma aser Ritesh Sidhwani nungeria twitter ajanga la den tasoba anogo tepela salem lemsatepogo.