Deepika Padukone aser Ranveer Singh na aniasüngogo

New Delhi, July 06 (Agencies): Bollywood actor tem – Ranveer Singh aser Deepika Padukone na aniasüngogo.
Mumbai Mirror osang ka ajanga ashiba agi, tena aniasüngtepogo, aser ita ishika tejaklen tena tsüraburtemi tena kibong akümtsü atema o lemtepa liasü.
Tenati yimjak nung tang tashi nungbo iba indang mejembir ajisüaka tawa award sentong ka nung shilem agidang Deepika-i Ranveer mena aliba tsütsülen tebang mesepba temaitsü sayu aser paia kasaji meyiptsü.
Tamalen Deepika-i, Ranveer Singh ji la taküm nung teti kanga tongtibang nisung ka asütsü ta jembia lir.
Lai, “Tamalen ni iba indang kecha mejembi aser tanga kecha mejembitsü. Pa ya kü taküm nung tongtibang nisung ka liasü aser teti kanga tongtibang nisung ka asütsü. Ibaji kodanga memelenshitsü,” ta jembia lir.
Arishi küm 30 Deepika aser Ranveer (31) nati ‘Ram Leela’ aser ‘Bajirao Mastan’ film na nung külemi shilem agia lir