Deepika Padukone Cannes Film Fest nung shilem magitsü

Mumbai, March 26 (Agencies): Bollywood actress Deepika Padukone-i ashiba agi la May ita ‘Cannes Film Festival’ ‘red carpet’ nung jajaya mangutsü, kechiyong la ‘Padmavati’ film tangokba nung tali temolung agüja inyaktsü.
Iba film sentong nung Deepika cosmetic company L’Oreal tenüng nung shilem agitsü, ta osang ka liasü.
La tawa L’Oreal den ‘endorsement deal’ ka yangluba osang ajanga metetdakja liasü.
Iba dak sendakba nung osangbenertemi Deepika dang asüngdang dang lai yamai langzü; “Iba osangji shitakmasü, ni tangbo ‘Padmavati’ film asoshi dang temolung agütsütsü.”
Actress shiba Hollywood film “xXx: Return of Xander Cage” nung shilem agi la Hokolbar aonung ‘HT Style Awards’ nung shilem agia liasü. Lai film nung actor tem indang style balala indang jembidang, iba ya ‘stylist’ tem aser film yanglurtem dak tuluka keta lir, ta ashi.
Iba sentong nung ‘Most Stylish Timeless Couple’ sempet Neetu aser Rishi Kapoor nati ngua liasü. Deepika-i iba award asoshi dena nem tenüngsang agütsü.
“Neetu aser Rishi nati tanü iba award anguba atema ni kanga pela liasü. Dena sobusolemba yimya nung dang masü saka tanga yimya nunga kanga dang tasüngtet lir,” ta lai ashi.