Deepika Padukone-i kanga meranga inyaker: Zoa Morani

September 10, 2015: Tang ‘Bhaag Johnny’ film release asütsü asohi mazüngi alila, actress Zoa Morani-i, “Ni Deepika Padukone kanga sapur aser lai inyakba ajak kü matsüngdang kanga junger,” ta ashi.

“La ya ni asoshi ajak dang tajungtiba. Film balala nung shilem agishia la tajungba dang akümer aser aji kanga tesüngmangtsü ka! Lai shitakba nung kanga meranga inyaker,” ta Zoa-i media den jembiba mapang ashi.

“Ni Karisma Kapoor-a sapur. Ni tawa Waheeda Rehman taküm otsü azüngdang lai ajangshiba tem zülua aliba züngshia kü taküm nung tangazükba aika angu,” ta lai shisem.

2011 küm lai ‘Always Kabhi Kabhi’ film nung shilem agia liasü aser tan ‘Bhaag Johnny’ sayatsü asoshi la kanga pelar.

“Ni tan film tasenba nung kü shilem agi kanga temulung asür. Ni film nung Taniya ama shilem agia lir. Film nung raraba aser temulung raksaba shilem aika lir saka director Shivam Nair den külem tongti shilem agir Kunal Khemu nati ni kanga yariogo,” ta lai ashi.

‘Bhaag Johnny’ film ya Shivam Nair-i direct asü aser Zoa Morani den Mandana Karimi o Manasi Scott nungeria tongtibang shilem agia lir.

Iba film ya September 25 nü sayatsü sentong lir.