Deepika Padukone-i Nina Dobrev den dinner agi

Toronto, February 22 (Agencies) : Bollywood actress Deepika Padukone-i “The Vampire Diaries” nung tongti shilem agir Nina Dobrev, actor Vin Diesel aser “xXx” nung shilem agirtem den private dinner ka liasü.

Iba mapang director DJ Caruso-a densema liasü aser Deepika-i iba indang noksa ka sayu.

Arishi küm 27 tain Nina-i tawa tu Toronto, Canada nung “xXx” film nung shilem agitsü tenzük aser lai “Bajirao Mastani” actress Deepika nem tenüngsang agütsüogo.

Bollywood actress Deepika-i Hollywood nung tang mezüngbuba film ‘xXx: The Return of Xander Cage’ nung kanga mazüngi shilem agidar.

Anogo ishika tejaklen Dobrev-i Twitter nung “XXX nung shilem agitsü yongyar” ta sangoktsü aser iba atema Deepika-ia “Nina! na ajurutsü yongyar” ta ashi.

Tan ita tetenzüklen Deepika Toronto, Canada nung film yangludaki ao aser lai Hollywood nung shilem agiba osang mapang shi noksa aser video tem ajanga la sapurtem dang sangokja arur.

‘xXx: The Return of Xander Cage’ film nung Vin Diesel-i küm 8 sülen National Security Agency nung adener.

Iba film nungsa Samuel L. Jackson-i Augustus Gibbons ama shilem agir, aser ano Ruby Rose, Jet Li, Conor McGregor o Tony Jaa nungertemia shilem agir.

‘xXx: The Return of Xander Cage’ director ji D.J. Caruso lir aser F. Scott Frazier-i otsü zülu.