Deepika Padukone-i Ruby Rose India semdangtsü jaoker

Mumbai, October 1 (Agencies): Actress Deepika Padukone-i xXx: Return of Xander Cage film nung külemi shilem agir Ruby Rose dang India semdangtsü jaok.
Deepika-i Twitter chat ka nung Rose dang India semdangtsü jaok.
Vin Diesel-i tongti shilem agiba ‘xXx: Return of Xander Cage’ film nung Deepika-i taküm mezüng atema Hollywood nung tetsüng ajemok.
Taküm January ita iba film ajungkettsü atema Diesel-i India semdanga liasü.
2002 küm ‘xXx’ aser 2005 küm ‘xXx: State of the Union’ film ana yangluba sülen ‘xXx: Return of Xander Cage’ ta tasembuba lir,
Iba film nungsa Ruby Rose, Samuel L. Jackson, Donnie Yen aser Tony Jaa nungertemi shilem agir.
Taruba film nunga Deepika-i shilem agitsü ta osang angazüker. Tang lai Padmavati film nung shilem tagidak lir. Iba film ya December 1, 2017 nü sayatsü sentong lir.