Deepika Padukone-i Vin Diesel’er ‘XXX’ film nung shilem agitsü

New Delhi, January 6 (Agencies) : Bollywood actress Deepika Padukone-i Vin Diesel’er ‘XXX’ franchise nung shilem agitsü osang jangjaogo.
Bollywoodlife.com osang ajanga ashiba agi, Hollywood nung kanga dang nüngtugu movie ‘XXX’ nung Deepika-i Vin Diesel den külemi shilem agitsü.
Taoba mapang Deepika-i Vin den külemi tangokba noksa ka sayua liasü aser iba atema nisungtem kanga ratatepogo.
Osang ajangasa ashiba agi Deepika-i iba osang ya miimbanga dang ayu. La Vin den ajuruteptsü atema America-ia oa aru.
‘XXX: The Return of Xander Cage’ director-ia Twitter nung Deepika shilem agitsüba indang osang metetdaktsü.
“Onok January nungi film yanglu tenzüktsü aser la February nungi shilem agitsü” ta Vin-i metetdaktsü.