New Delhi, February 2 (Agencies) : Mongulbarnü Deepika Padukone Canada-i apusoa ogo aser ibaji Hollywood nung shilem agitsü atema lir.
Deepika-i Vin Diesel den külemi ‘xXx: The Return of Xander Cage’ film nung shilem agitsü aser lai iba asoshi kanga yongyar ta metetdaktsü.
“Ni tang mapa tasak nung shilem agitsü tenzüker aser iba mapa nung nisung tasentem den külemi shilem agitsü” ta Deepika-i osangbener dang ashi.
Ajisüaka, lai film nung komala shilem agitsü’ar osang kecha memetetdaktsü. Taoba mapang la dang Fast and Furious 7 nung shilem agitsü asüngdang saka lai ibaji magizüki liasü.
“Ni kü sasa tajungtiba akümtsü meranger aser tang mapa tasen ka nung tetsüng ajemoktsü tenzüker. Khen khen nai na akokba tashi langka ka atalokdaktsütsü merangdanger saka tamakok angur aser khen khenbo nü dangi maongka arur aser ibaji mesüka tang ni ajuruogo. Kü jakdang mapa jangratemtsü aika lir, ni temulung ila bilemer saka nisung ajak nümatangtettsüsa ni kü tajungtiba agi shilem agitsü” ta Deepika-isa ashi.
2016 atema Deepika-i Hindi film ka nungdanga shilem agitsü atema jembitepa mali. “Ni meyipa arur telemtetba agitsü” ta lai metetdaktsü.
You must be logged in to post a comment Login