DEF Kohima nungi District Intelligence Branch-i yi aika apu

Dimapur, March 13 (TYO) : Ozüng alema shibelenba osang tejangja kar angazükba sülen March 12, 2016 nü DEF Kohima nungi District Intelligence Branch-i Kidima lenjem nung garitem mita aodang gari ka nung yi aika bena aliba apu.
Police-i Maruti Van (NL-01-3236) gari nung yi tapu balala aika bena aliba angu. Yitemji Officers Choice Blue (750 ml) bottle 24, MC Rum bottle 24, Officers Choice Blue (375 ml) bottle 144, MC Whisky bottle 96 aser Kingfisher beer can 144 liasü.
Iba dak sendakba nung nisung ka apu aser paji Senapati, Manipur nung alir L. Punu’er jabaso K.P Souo Solomon ta jangjaogo.
Khuzama P.S nung ozüng alema yi shibelenba onük nung pa anema ken o ka benokogo aser pa tepuokdak yua lir, ta Kohima Police sangdong ka nung metetdaktsü.