DEF Mkg Family Welfare-i tain anepaluba ki ka semdang

Mkg. August 13 (TYO): January 18, 2014 nü Süngratsü yimtak Aonglar Women Welfare Society-i acha ayanga lapokba tantsür/tambur anepaluba ki ka, DEF Mokokchung Family Welfare-i August 13, 2015 nü semdang, ta sangdong ka ajanga metetdaktsü.
Iba semdangba sentong nung DEF Family welfare nung züngsem, I. Atula-i, Aonglar Women Welfare Society-i tantsür/tambur anepalutsü asoshi iba ama mera tulu agiba ajanga ajak ajangzüktsü, ta ashi.
Yangji aliba tantsür/tamburtem dang lai, nenok kija alitsü melena iba kidang nenok tembartem den külemi yamai alitsüsa maongka anguba asoshi Tsüngrem nem tenüngsang agütsütsü tetemsü, ta shisem.
DEF Mokokchung Family Welfare-i tantsür/tamburtem atema, iba ki acha ayanger nem jang, mamatsü aser chiyungtsü tapu aika agütsü aser iba mapa tajung asoshi Care Home-i pelaba metetdakja liasü.